|
[客家山歌创作大赛]
赖显华
人人话涯行桃花，娶个老婆像朵花；
涯今实话对你讲：靓妻激涯心肺炸。
白白嫩嫩观音娃，恰似西施转涯家；
人肉 靓唔好食，红花再美也会谢。
灯笼好看纸画花，面醒心恶肚 蛇；
骄横霸道无商量，开口骂人尽命呱。
一恼老婆搅乱家，乱花钱财唔晓划；
嘴巴胜过干部级，贪香好甜食腰花。
二恼老婆性情差，丢碗打盘 散家；
左邻右舍合唔来，齐家骂 老虎嫲。
三恼老婆懒尸嫲，唔种番薯唔种瓜；
滚水无煮地无扫，板盖上尘菜打花。
千差万差自家差，娶妻贪靓害自家；
夫妻经常吵打斗，度日如年像枷。
人人话涯 会花，喙里欢喜肠打丫；
蛤蟆食到生老蟹，七脚八惹心肝下。
涯今劝话后生侪，娶妻千祈莫贪靓；
思想品德应首选，夫妻恩爱幸福家。
|
